Kvista turløyper

Bildetekst: Kvistarar klare i Fagnabotn

Kvinnherad turlag i samarbeid med Kvinnherad Røde Kors Hjelpekorps har kvista og skilta dei mest brukte løypetraseane i Fjellhaugen. Frå toppen av skitrekket kan ein følgja kvistane til Ingahogg. Frå den nedre parkeringsplassen i Fjellhaugen Skisenter (Bjørkestølen) går det løyper til Nautavatnet, Ingahogg og via Nesjastølsvatnet/Nautavatnet til Skadvatna/Skadheia. Såleis kan ein gå kvista rundløyper frå skisenteret om Ingahogg til Nautavatnet og tilbake til Fjellhaugen og om Nesjastølsvatnet til Nautavatnet og tilbake til Fjellhaugen (nedre p.-plass). Turlaget og Hjelpekorpset ønskjer alle god tur.

Klikk på linken nedanfor for kart med løyper.

Kvinnherad Røde Kors er tilstades kvar dag i påsken og kan svare på spørsmål om løyper og istilhøve på vatna.  Imidlertid kan istilhvøva endra seg raskt, og all ferdsel er på eiga ansvar og det må utvisast varsemd.